sideeinar

Ski-NM på Voss

2012-01-26T19:23:00.000+01:00

Stort å få oppleva ski-NM på eit flott anlegg. Sjølv om austavinden var heftig, var stemninga god og alt fungerte godt. 40-åringen Thomas Alsgaard imponerte stort med tredjeplass på 15 km. Therese Johaug vart nr 2 på 10 km. Grunnen til at eg har bilete av ho og ikkje vinnaren Astrid Uhrenholdt Jacobsen, er at eg var sikker på at Johaug kom til å vinna.

Bergensarane skal heim

2012-01-22T21:42:00.000+01:00

Har vore inne på bt.no og lese at det har vore ca 3500 menneske i skiheisane på Voss i dag. Vidare at det står to mil bilkø frå Trengereid til Vaksdal. Eg er ikkje overraska. Har vore i Bavallen, og det var fantastisk fine tilhøve og mykje folk. Etter eg kom heim, kunne eg studera stort sett samanhengande rekker av bilar på E16

Årets første skitur

2012-01-15T21:36:00.001+01:00

Omsider kom skia fram, og det vart ein fin tur frå Bjørgasaga til Storemyra for dei som er lokalkjende. Berre ein enisleg rev hadde vore ute før meg.

"Vinterhage"

2012-01-08T09:31:00.000+01:00

Denne leveggen vart laga med tanke på å ha ein skjerma plass om sommaren. Syns han tek seg bra ut om vinteren også.

Samarbeid

2011-12-20T23:02:00.001+01:00

Me har laga peparkakehus. Kanskje litt barnsleg for folk godt oppi 50-åra, men kjekt likevel. Eg er arkitekt og byggmeister, May står for dekorasjonane.

Long December Night

2011-12-11T19:39:00.001+01:00

Legg vekk julestresset, reis på hytta og ta ein tur ut når det er fullmåne. De kan vera ganske så vakkert!

Snø!!

2011-12-06T20:40:00.001+01:00

Samanliknar ein med forrige innlegg, er det snakk om raske endringar i veret. Syns det trass alt er snøen som høyrer heime i desember.

Bølgjer på Vangsen

2011-12-03T09:13:00.001+01:00

Det er ikkje ofte ein ser kvite bølgjetoppar på Vangsvatnet. Torsdag var det slik. Det slo til og med bølgjer inn over land.

Baltus slappar av

2011-11-12T21:05:00.001+01:00

I ein barnefamilie kan det verta ganske hektisk, også for ein stakkars hund. Bamsar og dokker er i alle fall ganske så fredlege. Då er det naturleg å slå seg i lag med desse når behovet for ein lur melder seg.

Natur i Oslo

2011-11-06T20:32:00.000+01:00

Slottsparken ligg midt i Oslo, men om ein stengjer ute alle lydar og ser i rett vinkel, kan ein få kjensla av å vera ute i naturen. Her er faktisk veldig fint!

Er so stolt!

2011-11-05T21:21:00.002+01:00

Har vore til Tertnes. Er dei ikkje vakre?

Synfaring

2011-10-12T22:33:00.000+02:00

Skogsvegen er ferdig, og det skal kontrollerast om alt er etter føresegnene. Og det er det, stort sett. Men Jan Inge, det er ikkje spesielt macho å stilla i skogen med paraply i regnbogefargar!

Tysso

2011-10-12T18:01:00.001+02:00

På Tysso er det vakkert, sjølv på ein haustdag med regn.

Vatn

2011-10-11T23:09:00.000+02:00

Tysseelva er direkte voldsom, utruleg mengder vatn renn mot fjorden. Elva skiftar forresten namn fleire gonger. Stordalselva,Øvstedalselva, Tysseelva, alt etter kvar du er. Elles må det nemnast at eg i ettermiddag gjekk frå Øvstedalsvegen til Tysso og tilbake.

Brunborg

2011-10-08T18:53:00.001+02:00

Ei lita perle nær Evanger: Brunborg. Hadde ein nydeleg tur opp til denne veglause garden i dag. Etter å handla graut, kaffi og lenestol hjå Patina-damene, tipsa dei oss om at ein tur til Brunborg var det einaste rette på ein slik fin dag. Dei hadde rett!

Haust i låglandet

2011-10-03T21:19:00.000+02:00

Ein treng ikkje dra til fjells for å møta hausten. Det er vel berre å innsjå at hagemøblane snart må i hus.

Haust i fjellet

2011-10-02T19:26:00.000+02:00

Hausten er her, også om ein dreg til fjells. Haustfargane er ikkje til å ta feil av, enten det er dag eller kveld. Då er det ekstra koseleg å fyra opp i peisen på hytta og berre slappa av, i alle fall når ein har jobba så lenge det var ljost.

Kveldstrim

2011-09-28T21:41:00.003+02:00

Ein kveldstur langs Skreiavegen kan by på litt idyll viss ein tek seg tid til å stoppa opp.

Utsikt frå Kulturhuset

2011-09-24T23:05:00.001+02:00

Taket på Voss Kulturhus er eit fint utsiktspunkt, same kva veg du ser. Klokka halv ti ein septemberkveld ser ein mest der det er opplyst. Litt sært å stå der aleine ein fredagskveld, men kva gjer ein ikkje for å slå i hel tida når ein ventar på eit forseinka Oslotog?

Nora tek ansvar

2011-09-24T11:57:00.001+02:00

Når Nora syns Baltus treng lufting, vert det gjort skikkeleg. Baltus får både tissepause og matpause med vaffel.

Kveldstur

2011-09-21T21:20:00.001+02:00

Ein tur til Rørgo er aldri å forakta. Både langs vegen og når du kjem fram, er det fine motiv

Haust?

2011-09-19T22:28:00.001+02:00

Tja, det er vel berre å innsjå det: Hausten er her.

To gode venner

2011-09-18T14:27:00.001+02:00

Casper syns det er kjekt å få besøk av besetemay. Det er gjensidig!

Duell

2011-09-17T22:30:00.002+02:00

Endeleg tid til eit besøk på Tertnes. Casper utfordra Solveig til kappløp på Monsabakken, og han vann! Joggesko mot bysko: Rått parti!

Alle mann til pumpene!

2011-09-07T21:25:00.001+02:00

Eller kanskje det er i seinaste laget? Den raude plastbøtta ligg klar i båten, men regnet har nok vore meir intenst enn iveren etter å ausa denne båten på Evangervatnet.

Enkelt og greitt

2011-09-06T18:16:00.001+02:00

Gløym tørketrommel, tørkestativ i hagen eller provisoriske løysingar på loftet. Fest ei snor i veggen til naboen på andre sida av gata, og du har løyst problemet med klestørk.

For sale

2011-09-05T20:22:00.001+02:00

Etter grundig synfaring og diskusjon, kom me fram til at dette var litt under vår standard.

Split - Gamlebyen

2011-08-20T17:29:00.005+02:00

Å gå bak dei gamle bymurane i Split er som å stiga mange hundre år attende i tida, dersom ein ser bort frå butikkane på gateplan. Denne bydelen er frå år 200 - 300 . Bortsett frå turisttrafikken, fungerer bydelen som eit område der vanlege folk bur, handlar og møtest. Ein spanande miks mellom gammalt og nytt,

Båtar på Adriaterhavet

2011-08-19T21:56:00.007+02:00

Ferien i Split var ikkje prega av heftig båttrafikk på Adriaterhavet, men det hendte at båtar i ulike storleikar passerte synsfeltet. Og båtar er stort sett alltid fint å sjå på.

Ferieminne 3

2011-08-18T22:32:00.002+02:00

Veit ikkje kvifor, men eg syns denne fjøra som ligg og flyt i sjøen har noko fredleg over seg.

Ferieminne 2

2011-08-17T20:26:00.003+02:00

Syden, repr. ved Kroatia, er vakkert og idyllisk. Noreg, repr. ved Kragerøområdet, er ikkje så verst det heller. Me hadde i alle fall nokre fantastiske dagar der før me drog sørover.

Idyll

2011-08-15T21:18:00.003+02:00

Kvart pensjonar har si eiga badestrand, er det rart at eg slappar av? det eine biletet er altså eit sjølvportrett.

Ferieminne 1

2011-08-15T10:19:00.003+02:00

Det har vore ein lengre pause på denne sida. Grunnen er ferie, utan pc. Ingen dum ide! Kragerø og Kroatia ligg langt få kvarandre geografisk, men bading, sol og late dagar er like herleg over alt. I dagane framover skal eg legga ut nokre av ferieopplevingane. Eg startar med utsikt frå hotellrommet i Split ( Podstrana for dei som er lokalkjente) i Kroatia.

Sommarbad

2011-07-31T20:05:00.002+02:00

Ikkje noko er meir forfriskande enn å bada i ei elv med friskt fjellvatn. Det treng ikkje vera ein stor ekspedisjon for å kunna nyta dette. Ein biltur (på elendig veg) til Mæland, og det er berre å hoppa ut i elva der vatnet held ein svært så behageleg temperatur.

Sommarhage

2011-07-29T21:44:00.003+02:00

Hageaktivitetane i sommar har for det meste gått ut på å kjøpa plantar for å erstatta dei som ikkje klarte vinteren ( og det var mange), slege plenen og luka ugras. Då lærer ein seg å setja pris på dagar med sol og varme, slik at ein kan nyta resultatet av arbeidet.

Litt skummelt

2011-07-29T20:24:00.002+02:00

Kyr vert veldig store når du sjølv er berre 16 månader. Samtidig er det veldig spanande og kjekt å sjå dei på nært hald. Løysinga vert då å alliera seg med ei modig bestemor.

Fredlege fjell

2011-07-26T23:34:00.003+02:00

I ei tid der me opplever tragediar ein ikkje skulle tru kunne skje her hjå oss, er det kontrastfylt å oppleva den fullkomne freden ein møter i fjellet, til dømes rundt Stordalen. Det gjer opplevinga av det meiningslause som skjedde i Oslo og Utøya enno sterkare.

Hyvingen

2011-07-21T22:35:00.002+02:00

Hyvingen er lett å kjenna att når du kjem inst i Bolstadfjorden. Den steile fjellsida går rett ned i fjorden. Dette er enno tydlegare når du ser det frå aust, ikkje frå vest som her. Tidlegare, dvs før E 16, gjekk jarnbana i tunnel gjennom fjellet, men som ein kan sjå på biletet, er det ei stund sidan.

Grinegutten

2011-07-18T23:04:00.002+02:00

Ein grinete gut som står midt i vatnet med fiskar som sprutar vatn, gjorde stort inntrykk på Nora, som på ingen måte var grinete.

Siste rest av finveret

2011-07-17T13:01:00.002+02:00

Når metereologane melder regn til natta (dei fekk rett), gjeld det å nytta og nyta kvelden. Reker og vin er ypperleg meny for sommarkvelden ute . Einaste minuset var at også myggen hadde bestemt seg for å kosa seg i somarnatta.

Jordbærtur

2011-07-09T19:52:00.002+02:00

Knapt noko smakar betre enn markjordbær. Dette har også Casper og Nora oppdaga. Casper plukka ganske mange bær i eit glas. Nora såg helst at ho fekk bæra servert, men hjelpte til sjølv også.

Lokalhistorie

2011-07-07T17:09:00.002+02:00

I riktig gamle dagar var det meir trafikk på Evangervatnet enn no. Her var det frakting av folk, varer og personar. Bryggja var viktig, og denne ringen var fortøyingspunkt då som no. Skulle likt å sett alle båtane som har vor fortøydd her. Kajakken min vert nok ganske puslete samanlikna med desse.

Ein hundevask

2011-07-06T13:06:00.002+02:00

Me skulle eigentleg berre ein snartur ned til bryggja i Evangervatnet. Men Baltus tenkte slik: "Det er sommar , sola skin, vatnet er blankt; her skal det badast!"

Bolstadfjorden

2011-07-02T21:15:00.002+02:00

Ikkje noko spesielt, anna enn at det var ganske fint i Vågen i kveld.

Utsikt frå eit vidauge

2011-06-28T21:54:00.002+02:00

Vermeldinga sa at det kom til å verta store nedbørsmengder på Vestlandet i dag. Dei fekk rett! Heldigvis vart det ein liten pause i kveld, og då er det faktisk ganske fint å sjå ut stovevindauga. Luftfuktigheita er ca 100 %, trur eg.

Holo og Rørbakken

2011-06-26T21:48:00.003+02:00

Når vegen sluttar i Rasdalen, er det ikkje slutt på gardane. Lenger inne i dalen ligg Holo og Rørbakken. Det er lenge sidan det har budd folk her, men i Rørbakken er alle husa restaurert. Dette er ein fantastisk fin plass og eit godt utgangspunkt for turar både sommar og vinter.

Markblomster

2011-06-24T11:57:00.002+02:00

Dei som har vore innom mi kjære svigerdotter sin blogg, HippieChic, (sjå lista til høgre) kan sjå bilete av dei vakraste bukettane av markblomster. Vel, her er bilete av blomane før dei vart til bukettar.

Småbrekke - Moastølen

2011-06-19T23:11:00.002+02:00

Parker på Småbrekke i Bergsdalen, gå ein liten halvtime langs ein grei veg, og du er på Moastølen. Går du vidare, kan du koma til Høgabu, og er du veldig sprek, kan du gå over til Vaksdal.

Kjekt og skummelt

2011-06-12T22:56:00.001+02:00

Geitekillingar er utruleg søte , sjarmerande og artige dyr. Men når dei vert altfor nærgåande, er det godt å ha ein bestefar å gøyma seg bak, syns Nora.

Gratulerer!!

2011-06-10T22:36:00.003+02:00

Stor dag på Evanger. Dei tre flotte damene som driv vår favoritt-kafe/bruktbutikk, opna i dag eit nytt tilbod, nemleg utleigeleiligheiter i den same , gamle sjøbua der kafeen er. Og me var inviterte på opninga! Stor stas, med snorklipping av ein ekte stortingsrepresentant (Hilde Magnusson Lydvo) og skriftleg personleg helsing frå ein ekte statsråd ( Trond Giske ). Etterpå var det omvising i dei to leiligheitene og servering av fingermat, vin og ekte bjørkesaft. Kort oppsummert: Opningsfesten var svært vellukka, og leiligheitene er rett og slett råstilige! Køyrer du E16 mellom Voss og Bergen , må du svinga innom Evanger og besøkja Patina bruktbutikk/kafe/overnatting. ( Dette er første og siste gong du finn reklame på denne bloggen)

Kanskje litt fint?

2011-06-06T20:56:00.002+02:00

Trolsk stemning på Seim når skodda legg seg over vatnet. Det er sjølvsagt fint med slike stemningar, men det er ikkje så verst med sol heller?

Herlege fridagar

2011-06-05T18:58:00.003+02:00

Alle tiders å vera på besøk hjå besteforeldra. Då kan me hoppa på trampoline og eta berlinerbollar slik berlinerbollar skal etast

Halsnøy kloster

2011-05-29T19:57:00.002+02:00

Den vårlege turen til Halsnøy var bestemt til å finna stad denne helga. Det er alltid like fint og kjekt, uansett ver. Ein tur i Klosterhagen med tilhøyrande kai gir stadig nye fotomotiv, m.a ei avkledd og ei påkledd dame.

Slutt med klaginga.

2011-05-29T19:52:00.003+02:00

Når eg ser gjennom dei siste blogginnlegga mine, ser eg at det er mykje klaging på ver og temperatur. Eg kan rett og slett verta oppfatta som versjuk! No er det slutt med det! Kva er vel vakrare enn grøne lier og nysnø på fjelltoppane? Spesielt i slutten av mai? Det er hermed slutt med klaginga.

"Og vannet steg"

2011-05-25T20:59:00.003+02:00

Måndag stod vatnet i Evangervatnet ein halv meter under bryggekanten i Ståi. I dag låg brygga under vatn med god margin. No vil me ha sol!

Haust i mai

2011-05-23T22:36:00.002+02:00

Hadde det ikkje vore for grønfargen på trea, kunne dette like gjerne vore oktober. Regn, vind og 7 - 8 grader er ikkje mai slik me vil ha det.

Hjartesukk

2011-05-22T23:05:00.002+02:00

Det er mai, det regnar og bles, dagane er travle , tida strekk ikkje til. Eg ser fram til sommar og varme, sol og rikeleg med fridagar og dagar der ein styrer tida sjølv.

Mat nok til alle

2011-05-17T21:43:00.002+02:00

Eg er einig med Nora: Når det er så mykje god mat på bordet, er det ikkje meir enn rett og rimeleg at ein deler med andre!

Akvariet

2011-05-16T21:37:00.002+02:00

Akvariet i Bergen er bankers for store og små. Casper veit litt av kvart om fisk, medan Nora har lyst til å fanga fiskane som er så nær.

Bergsdalselva

2011-05-15T22:05:00.002+02:00

Køyrer eller går ein frå Dale oppover mot Storefossen, er det nokre små vegar som tek av frå hovudvegen. Eg har jobba langs den vegen alle åra frå eg begynte på gymnaset til eg var ferdig med studiar. Likeeins har eg jobba 15 år på Dale, men først no har eg kome på å sjå korleis det ser ut i enden av desse vegne. Slett ikkje verst!

Litt nasjonalromantikk

2011-05-12T20:03:00.000+02:00

Greitt, båten skulle vore av tre og ikkje plast. Han skulle vore brunbeisa, ikkje kvit og orange. Elles er dei fleste elementa på plass: Snødekte fjelltoppar, blått vatn og ikkje minst den grøne bjørka. Elg, kyr og budeier var diverre ikkje å opdriva.

Vår og snøsmelting

2011-05-11T21:44:00.000+02:00

Varme og sol set fart på snøsmeltinga som igjen fører til høg vannstand. Desse trea like ved Voss Vandrarheim får verkeleg vatna rotsystemet i desse dagar.

Den fyrste løvetannen

2011-05-08T22:14:00.002+02:00

Det er stas å finna ein løvetann som berre er min. Ingen får låna den, men smaken var ikkje noko særleg!

Utsikt frå Hanguren

2011-05-05T22:12:00.003+02:00

Å nyta utsikta frå Hanguren ein vårdag, er ei fin oppleving. Eine biletet viser Bordalen og deler av Vangen. På det andre er det Gråsida som dominerer.

Opptur

2011-05-04T20:06:00.003+02:00

Turistforeningen arrangerer kvar vår fjelltur for alle 8. klassingane i Noreg. På Voss er det Voss Utferdslag som har regien. Turen går frå Vangen, via Mølster til Hanguren og attende via Raugstad. Oppstigninga er bratt, men det er fint å gå likevel. På toppen gjekk me eit stykke langs ein løypetrase etter vinteren. Der ligg det framleis snø. Satsar på at dette er siste snøbiletet denne sesongen. Takk til Utferdslaget for eit kjempeflott arrangement!

Vikafjellet

2011-04-29T21:19:00.002+02:00

Grei dag på jobb. Skidagen på Vikafjellet er ein av skuledagane mange ser fram til. Når det er strålande sol, fint skiføre og ikkje eit vindpust, er det vanskeleg å ikkje vera strålande fornøgd med livet. Likevel, dette er nok punktum for årets skisesong.

Månelandskap

2011-04-28T22:29:00.002+02:00

Eigentleg skulle eg hatt bilete av Øvstedalselva i fleire stadium. I vinter var det vakkert med blanding av is og snø. Så vart det plutseleg flaum, og det låg vatn og is over alt . Det var både spennande og skremmande. Så kom våren, og alt vart berre svart og grått og lite fint. DÅ hadde eg med kamerA.

Fonnes. Kveld

2011-04-27T12:24:00.003+02:00

Solnedgangen kan gje fine fargar, sjølv om ein ikkje får med havoverflata. Det rosa kveldsljoset er vakkert også inne på land.

Krabbefiske

2011-04-25T18:34:00.002+02:00

Utstyrt med bøtte og hov er Casper og tante Maria i full gang med å fanga krabbe. Det vart mager fangst, kanskje er det i tidlegaste laget? Det ser forresten ut som om Maria tek ordet krabbefiske litt for bokstavleg.

Fonnes - Solnedgang

2011-04-24T23:02:00.004+02:00

Ja, eg veit at solnedgangsbilete er harry, eg veit at det er billege effektar. Eg veit til og med at dette er lite originale motiv. Likevel, å stå på ein haug på Fonnes i Austrheim og sjå sola siga ned mot horisonten, gjer noko med deg. Det er rett og slett vakkert.

Heime igjen

2011-04-22T14:36:00.002+02:00

Rett nok har eg vore heime ei stund, men det var så mange Svalbardbilete å visa fram. Det er ikkje så verst å vera saman med ei særdeles stolt bestemor heller.

Svalbard. Gymtime.

2011-04-21T21:54:00.002+02:00

Som gymlærar stoppa eg sjølvsagt opp då eg møtte ein skuleklasse på ski. Ein ting er sikkert: Lærarane på Voss er langt dårlegare utstyrt enn i Longyearbyen! Skulen er flott, med idrettshall og symjebasseng. Eg var klar for å søkja jobb der straks, men May ville faktisk ha eit ord med i laget der også. Det er nok fleire grunnar til det: 1. Ho er fornuftig. 2. Ho har ingen draum om å kjøpa snøscooter. 3. Ho syns det er greitt å jobba på Evanger og bu på Horvei. -Jaja.-

Svalbard. Barentsburg

2011-04-20T21:20:00.003+02:00

Den russiske gruvebyen Barentsburg er ein heller stusleg plass. Ca 350 menneske bur her, dei fleste jobbar med gruvedrift. Bortsett frå idrettshallen, var det stort sett dårleg vedlikehaldne bygningar. Nye bustadblokker var sett opp, dermed slutta alt vedlikehald av det som ikkje lenger var i bruk.

Svalbard. Snøscootersafari.

2011-04-19T23:14:00.003+02:00

På Svalbard er det ca 2000 fastbuande og 4000 snøscooterar. Litt av forklaringa er at det stor utleigeaktivitet til turistar. Det er rett og slett moro å susa over brear og gjennom dalar, Turen vår gjekk til Barentsburg og tilbake, til saman 13 mil. Eine biletet er frå fjellet ca 500 m over havet. Dei to andre er frå kanten av Isfjorden.

Svalbard. Hundesledetur

2011-04-18T22:09:00.002+02:00

Sjølv om eg hadde hund i 12 år, har eg aldri prøvd å sitja i ein hundeslede før . Ein organisert og guida tur i Bolterdalen fekk orden på dette. Seks ivrige hundar hadde ingen problem med å dra to vaksne karar. Det verka som om hundane hadde det like kjekt som oss.

Hunden som poserer i lag med Eva, guiden vår, vart likevel ikkje brukt i spann. Hunden veg 75 kg og et andre hundar til frukost om han får sjansen.

Svalbard. Gruvedrift

2011-04-18T09:48:00.002+02:00

I dei fleste gruvene rundt Longyearbyen er det ikkje lenger utvinning av kol. Nesten all produksjonen føregår no i Svea, fire mil frå byen. Gruve 7 som ligg i Adventdalen like ved Longyearbyen er den einaste gruva som framleis er i drift i "sentrale" strøk.

Svalbard. Fjell

2011-04-17T13:11:00.002+02:00

Det er spesielle og flotte fjellformasjonar over alt på Svalbard. nederste biletet viser Operafjellet der eit russisk fly styrta for nokre år sidan.

Svalbardnatt

2011-04-12T08:13:00.003+02:00

Om ti dagar er det midnattsoø i Longyearbyen. Det betyr at det alt no er lyse netter. Berre eit par timar rundt midnatt er det litt mørkt. Då er det til gjengjeld svært stemningsfullt. At ein må ut midt på natta for å fanga dette, får heller våga seg.

Svalbard

2011-04-11T11:55:00.003+02:00

Er tilbake på fastlandet etter ei fantastisk langhelg på Svalbard. Opplevingar frå turen vil verta vist i dagane framover. Me startar i Longyearbyen og området rundt Nybyen der me budde. Gamle arbeiderbustadar er bygd om til losji for studenter og turistar. Ein triveleg plass å bu!!

Bru på avvegar

2011-04-03T10:27:00.005+02:00

Is + vatn = store krefter. Denne brua på Raudstølen har fungert i fleire år. Så kjem det ein vegg av is og vatn, og brua er på veg ut i det store intet. Solid dugnadsinnsats fekk dragarane på rett plass. Til våren vert det ny dugnad for å få på plass resten av treverket.

Turist

2011-03-31T19:48:00.003+02:00

Å sjå japanske turistar på ei regnvåt brygge i Lofthus, Hardanger, er spesielt. Det som er ekstra spesielt, er at denne turisten er iført samehue!

Sorry, Hardanger

2011-03-29T08:02:00.002+02:00

Bileta i går teikna kanskje eit i overkant dystert bilete av distriktet. I dag framstår Hardangerfjorden som vakker og dramatisk.

Hardanger

2011-03-28T18:34:00.005+02:00

Attende til norske tilhøve: 1. Er det vår i Hardanger? NEI 2. Er der rasfare ? JA. Bileta er tekne frå Ullensvang hotell i Lofthus. Det nederste biletet viser Velure på vegen mellom Odda og Utne.

København, Churchillparken

2011-03-23T17:20:00.002+01:00

Ein kort spasertur frå Strøget, f.eks. gjennom Amalienborg, fører deg til Churchillparken. Dette er eit nydeleg lite parkanlegg med vollgraver og sjø på alle kantar. Den lille havfrue held også til her. Parken er populær blant barnefamiliar og joggarar.

København, Gråbrødretorvet

2011-03-22T18:00:00.003+01:00

Ein tur innom Gråbrødretorvet er fast post på turar til København. Torget er lite og idyllisk, plassert litt bortgøymd frå Strøget, og med Rundetårn like i nærleiken. Her er det fredeleg og avslappa stemning, og det er serveringsstadar på alle kantar. Peder Oxe Vinkelder er mi favorittkro. Torget er oppkalla etter gråbrødrene som tilhøyrte eit fransiskanarkloster som låg like i nærleiken. Alle husa rundt torget er freda. Nokre av dei vart oppført som bustadhus etter bybrannen i 1728.

Købehavn, Nyhavn

2011-03-22T13:14:00.002+01:00

Ein helgetur til København er ei fantastisk avveksling frå vestnorsk is, snø og sørpe. Humøret steig i takt med sola. København er ein fantastisk by med mange idyllar. I dette g dei neste innlegga vil du kunna sjå nokre av mine favorittområde i byen, stadar som bør vera obligatorisk for alle besøkjande. I dag er det Nyhavn, hamneområdet med dei mange kafeane og uteserveringane.

Mars 2008 - mars 2011

2011-03-16T17:54:00.003+01:00

Desse bileta er alle tekne medio mars. Dei to øverste i 2008, dei andre i 2011. I 2008 lengta me etter snø, i 2011 lengtar me etter snøfrie bakkar. Felles for begge åra er at me reiser til København på helgetur.

Svigermor sitt husdyr

2011-03-14T20:06:00.003+01:00

Denne hjorten er stadig på besøk i hagen til svigermor. Vegen til og frå skogen er like ved husveggen. I dag gadd hjortekolla ikkje flytta seg sjølv om eg gjekk ut av bilen for å fotografera. Det verka som dyret tenkte: "Skal han ikkje snart gå slik at eg kan få eta i fred?" Vakkert er det i alle fall.

Kveld, snø, vinter

2011-03-13T21:59:00.003+01:00

Vårteikna eg såg for nokre dagar sidan, er definitivt borte. Er ikkje mars eigentleg ein vårmånad?

Landemerke

2011-03-10T13:19:00.002+01:00

For oss som likar å gå tur langs Geilavegen, er det to landskapsformasjonar som er lette å kjenna att: Jonshorgi og Nakka. Jonshorgi er ein topp som skil seg ut frå resten av landskapet. Nakka er ein av dei mange fjellgardane som ikkje lenger er i drift.

Våren er utsett på ubestemt tid.

2011-03-10T09:09:00.002+01:00

Å vakna opp og sjå ut vindauga i dag, 10. mars, gjorde at alt håp om snarleg vår forsvann. Greitt nok, det er fint og stemningsfullt, men det er to månader på overtid. Er litt bekymra for lagnaden til tujaen når snøen på taket endeleg slepp taket.

Horvei, sett frå Bjørgo sag

2011-03-09T14:36:00.002+01:00

Ein sein ettermiddagstur til Bjørgo i går. Turen var grei heilt til veret slo om til vind og sludd. Biletet viser at våren let venta på seg

På jakt etter vårteikn

2011-03-08T20:13:00.002+01:00

Eg innsåg fort at å leita etter vårteikn ein sein ettermiddag med stiv kuling, sludd i lufta og ein meter snø på bakken, var ei heller håplaus oppgåve. Det næraste eg kom, var å finna stadar der Geitåni er i ferd med å bryta gjennom snø- og islaga.

Sundagstur

2011-03-06T18:10:00.002+01:00

Endeleg vart det høve til ei skitur på Tveiti. Då er det berre å konstantera eit par observasjonar: Dyrespor og skispor deler på dei opne flatene, og opne bekkar peikar mot vår.

Grei dag på jobb!

2011-03-03T10:45:00.002+01:00

Det er ikkje ofte ein opplever bonusdagar som dette! 8. klasse ved voss ungdomsskule klarte å arrangera alpindag på den eine fine dagen denne veka. Metervis med snø, fin temperatur, nesten vindstille, sol og fantastisk fine løyper. dette er Voss på sitt beste. Kan ein ha det betre?

Leik i snø

2011-02-26T18:28:00.001+01:00

Uansett alder, det er kjekt å leika i snøen.

Det skin på toppane

2011-02-20T17:24:00.004+01:00

Tittelen er ei lett omskriving av uttryket "Det bles på toppane". Det har jo kunna vore brukt også i bokstavleg tyding i det siste, men no er det berre idyll. Denne stemninga er fanga frå svigermor sin hage i Fossmark. I dag har eg vore på ski og kan slå fast at det ikkje bles på toppane.

Bestefar

2011-02-19T23:19:00.003+01:00

Det er ikkje ofte eg legg inn personlege bilete på denne bloggen. Men når me nett har fått møtt det nye barnebarnet , er det uråd å forbigå dette i stillheit.

Nesten fullmåne

2011-02-16T22:32:00.002+01:00

Bilete av månen er ikkje spesielt originalt. Dette er derfor eit innlegg for å minna meg sjølv om at det kan vera greitt å gå ein kveldstur, sjølv om det er laussnø, vind og kuldegrader.

Aften rød gir morgen.......?

2011-02-15T19:27:00.002+01:00

Hugsar ikkje om siste ordet i ordtaket er sød eler blød. Uansett, kvifor er himmelen ekstra raud når det er sterk vind? Eller er det ikkje slik?