Vinter møter vår

Det er ein fantastisk flott kontrast med grøn bjørk mot kvit snø (og grøn bil mot kvit snø). Bileta er tekne på Nesheimsfjellet, mellom Eksingedalen og Evanger, 31. mai

Ankara

Dei fleste bileta på denne bloggen er frå mitt eige lokalmiljø. Denne gongen vert det eit stort sprang, nemleg til Ankara, hovudstaden i Tyrkia. Dette biletet er frå ein av dei gamle bydelane. Kjem ein inn i den sentrale bydelen, er det glas og marmor som dominerer. Slik er det ikkje her, nye og merkelege inntrykk dukka opp over alt.

E 16

Stamvegen mellom Bergen og Oslo går stort sett parallelt med jernbanen frå Voss til Bergen. Dette er frå Evanger.

Vassenden

Kveldstur ca kl 23. Biletet er teke utan stativ, med lukkartid på ca 1 sek. Eg er litt fornøydd med at det vart så pass skarpt likevel

Fossmark

På besøk hjå svigers, sola skin og hagen er styla etter alle kunstens reglar. Slik skal eg ha det når eg vert pensjonist.

Svaberg

To detaljar frå sjøkanten like ved Halsnøy Kloster. Sjøen har slipt vekk dei mjuke bergartane. Att står eit vakkert mønster.

Mestad

Stemning ein tidleg morgon ved Mestad i Teigdalen

I skog og hage

Eg er slett ingen botanikar, men har sans for fine fargar og former likevel. Det grøne biletet er henta frå overgangen mellom skog og myr, det gule er frå eigen hage.

18.mai

Det er ikkje så dumt å stå tidleg opp om morgonen, sjølv på 18. mai. Ein råkald morgon når det stig damp opp frå baken, kan vera stemningsfull. Men sandalar er ikkje ideelt fottøy når du skal bevega deg i eit våtmarksområde, og temperaturen er 4 grader.

17.mai

Det er ikkje spesielt originalt med bunadsbilete 17. mai. Men når me har pynta oss, er det kjekt å ta bilete, uansett. Sjølv om det berre er 1/3 av ungeflokken som er heime, er det vel verdt å foreviga

Inni granskauen

Det kan faktisk vera fint inne i tjukkaste og mørkaste skogen berre sola får sleppa til

Evangervatnet

Dette biletet er enkelt og greitt eit resultat av at eg fekk lyst til å leika litt med adobe photoshop

Ut på tur

Av og til har ein det meir enn kjekt på jobb. Som her, då me er på tur i skogen i nydeleg ver

Vatn

To detaljar

Fototur med den lille havfrue

Kveldstemningar ved bryggja i Ståi. Spennande å sjå korleis lystilhøve forandrar seg frå minutt til minutt

Sykkeltur i Teigdalen.

Ein sykkeltur gjennom Teigdalen kan anbefalast. Solveig og eg var ute på vegen før sola nådde dalbotnen. No må det nemnast at sola kjem svært seint, men etter klokka 12 er dt håp om litt varme frå den kanten. Bileta er frå Mestadvatnet og ei bru mellom Langeland og Brekkhus. Har nemnt tidlegare at eg er fascinert av bruer, denne er eit prakteksemplar av ei steinkvelvingsbru

Kven skal ut?

Her er tre kvite dyr, Viss du er usikker på kven som ikkje høyrer til dei andre, har du eit alvorleg stort hol i kompetansen når det gjeld husdyr