Frostrøyk

Ein fordel med kalde morgonar, er at ein kan få fine stemningar ved ope vatn

Skodde, regn og vind

Slik ser det ut i Prestegardsmoen når elementa verkeleg slår seg lause. Det er ikkje biletet som er uskarpt!

Flaum

Flaum i Vosso er mest dramatisk ved Flaga. Problemet er at E16 går forbi, utan mogelegheiter til avkøyring. Ein tur på gamlevegen og ein liten tur over bakkane er løysinga.

Det fins ikkje dårleg vær, bare dårlige klær

For ein gongs skuld må eg bruka bokmål, i alle fall i overskrifta. Det vert liksom ikkje same rimet på nynorsk. Kva gjer ein når ein får besøk frå Asker og Stord, og regnet ausar ned? Jau, me samlar saman alt me har av regnklede, køyrer i Rasdalen og går på tur. Provianten er ein pose gullerøter. Etterpå er det heim til smalahove, øl og akevitt. Livet er slett ikkje så verst!

Eit sommarminne

Når hausten viser sitt mest usymptiske andlet, kan det vera ok å ta eit tilbakeblikk på ein fin augustdag på Nøstet.

Prestegardsmoen i regn

Nokre inntrykk frå ei skikkeleg ufyseleg regnversdag på Voss. Uansett ver , ein tur i Prestegardsmoen er aldri bortkasta.

Bolstadøyri og Hatlekinnet

deler av Bolstad og Rongen sett frå Rasdalsberget

Rasdalsvatnet

Ei lita stemning frå Rasdalen ein grå sundagsettermiddag

Tysso

Tysso ligg på nordsida av Bolstadfjorden og er den vestlegaste bebudde plassen i Voss kommune. Elva som kjem ut i fjorden, er den same som renn fordi Stordalen, stølen som ofte er vist på denne bloggen.

Nok ei hausstemning

Biletet er rett og slett teke frå brua på Vassenden då eg var på veg heim frå jobb sist torsdag. Dette er ein haust med fine fargar!

Bolstadfjorden

Slik kan Bolstadfjorden sjå ut ein regnvåt oktoberdag. Biletet er teke frå Rongakamme

Nåli

Ufyseleg ver,men fine fargar på denne årstida

På veg til jobb

Tidleg morgon, himmelen er raud og speglar seg i Seimsvatnet. Desverre forsvann litt av fargane før eg fann ein plass å parkera bilen. Likevel vart det ikkje så verst.

I skogen skulle være fest hos.....

Men kor i skogen var det eigentleg?

Morgon (tidleg førmiddag)

Om hausten kan det ofte vera ein heftig kamp mellom sol og morgonskodde. her er det uavgjort.

Soldalsfosen

Ei lita hauststemning frå fjellet. I framgrunnen ser du Soldalsfossen, i bakgrunnen ligg Stordalen.

Evangervatnet

For eit par dagar sidan la eg ut eit bilete av Evangervatnet tatt 02.10.07. Her er eit som er teke på same tid i år, pluss eit til.

kveld

Det er kveld på Stordalen. Inne er det fyr på peisen og i parafinlampen. Ute står kameraet på stativ med fire sek lukkartid.

Over skoddehavet

Det er ikkje lett å sjå kva dette er, endå mindre kvar det er. Det er altså Bolstadøyri, fotografert frå Øvstedalsvegen før morgonskodda har letta. Det er ei spesiell oppleving å stå i solskin og tenkja på at dei der nede har det temmeleg grått.

Haustfargar

Nokre detaljar fanga inn på vår korte, men fantastisk fine tur til Stordalen