E16 i skodde

Fekk lyst til å leggja ut to bilete av same motivet. Det eine er slik ein morgon kan opplevast når skodda er tett. Det andre er slik det ser ut når eg har leika litt med kurver-funksjonen i Gimpprogrammet.

Vangsvatnet i skodde

Morgon, tett skodde og yr i lufta.

Ettermiddag i Indre Sogn

Klokka er 16.10, eg er om bord i ferja att, sjølv om eg eigentleg kom eitt minutt for seint i forhold til rutetabellen. Kveldssol og snøkledde fjelltoppar på alle kantar. ( og baconpølse på kafeen)

Morgon i Indre Sogn

Klokka er ni, ferja frå Mannheller sig inn mot kaien på Fonnes. Ei god kjensle, for eg veit at eg nådde ferja, og eg skal ha kaffi og svele med brunost!

Baltus

Alle hundar eg har møtt, er glade i snø. Likevel er det slik at hard jobbing krev sin hund, og det er nødvendig å slappa av når ein kjem inn.

Studie i vatn

I mangel på andre motiv, kan ein gå til næraste staden med rennande vatn

Endeleg fint ver

Etter dagar med gråver, er det flott å oppleva ein ein morgon som er så pass kjøleg at lufta er heilt klar. Då er det berre å stoppa ved vandrarheimen på Voss, ta ut kamera og stativ og fanga morgonen. dette er teke med lukkartid på 1/2sek

Tintrabrui

Tintrabrui er ei flott, gammal hengjebru som kryssar elva mellom Gjernes og Prestegardsmoen på Voss

Sett frå skogen

Gran-og furutre kan godt tena som innramming, men då må ein vera nøgd med det naturen har bestemt.

Filter

Bruk av filter når ein bearbeider bilete, er mest for moro, i alle fall for min del. Tilfeldigvis kom eg over eit sommarbilete som totalt endra karakter med brunfilter. Fjorårets sommartur vart med eitt til ei stølsstemning frå gamle dagar.

Evangervatnet

Det er ikkje ofte det er bølgjer med kvite toppar på Evangervatnet. Derfor kjem denne miniserien frå i går ettermiddag-

Gimpa Evangervatn

Etter langtid utan bilethandsamingsprogram, har eg endeleg fått lasta ned Gimp2.6. Dette må sjølvsagt prøvast ut. Motivet er Evangervatnet i stiv kuling, fotografert frå Hjørnevik.

Måne nok ein gong

For to dagar sidan vart månen fotografert ut eit vindauga. I kveld vart den same månen fotografert i same posisjon ved same huset.

Vatn og is

Veksling mellom snø og is gjer vatnet stig og isen bryt opp, som her på Vangsvatnet 13. januar

Kikk inn, måne

Viss eg kikkar ut på månen, er det vel rimeleg å tru at månen kikkar inn til meg?

Måne og vind

Måne og vind er kanskje ein uvanleg kombinasjon, men fullmåne og skyer som driv i høgfart, skaper fine effektar. bileta er tekne med blendar 7.1 og lukkartid som varierer frå 8 -15 sek.

Is og vatn

Kombinasjonen av rennande vatn og is er gode fotomotiv, og endra lysforhold gir nye fargar og stemningar.

Vassenden

Is på Evangervatnet, elva er open og veglampar ved E 16 lyser opp i ein ganske mørk vinterkveld. Ei slags stemning dette også.

Kva er dette?

Svaret er: Ei vegskjering delvis dekka av is og opplyst av forbipasserande bilar!

Vinter på Bolstadøyri

Snø, kaldt,stille, skiføre. Slike vintrar det vil gamle Norge ha!

Skitur

Årets første skitur. Ikkje mykje snø, men nett nok til ikkje å ripa opp skiene. Sol og snøtunge tre skapar ei fin ramme rundt dei fysiske utfaldingane.

Maritim nyttårsdag 2

Naustmiljø ved Fonnes kai.

Maritim nyttårsdag

Nyttårsfeiring for dei fleste av oss, men nokon er på jobb. Tidleg 1. nyttårsdag ligg desse båtane i Fensfjorden, klare for lossing/lasting på Mongstad

Godt nytt år!!

I år vart det nye året ønskt velkommen på Fonnes, med god mat og drikke, bakkefyrverkeri og stjerneskot. Ein flott start på det nye året!