Bulken. 29.10.09, kl 7.50

Eg har sagt det før, men nemner det nok ein gong: Å køyra E 16 kan by på mange fine naturopplevingar. På veg til jobb i dag, kom eg til Bulken og fekk sjå Vangsvatnet farga rosa. Då er det godt å ha så pass god tid at ein kan stansa, ta fram fotoapparatet og foreviga dette øyeblikket.

Haust med ekstra fargar

Sola brukar lengre og lengre tid til å koma seg over horisonten. Kanskje det er denne kraftanstrenginga som gjer at det lyser raudt av ho tidleg om morgonen?

Haust, med og utan fargar

Hausten er ei vekslande årstid. Veret varierer, og det er ymse kor fargerikt me opplever naturen rundt oss. Ein morgon i Modalen er til dømes heilt ulik ein ettermiddag på St Hanshaugen i Oslo

Sand-soge

Modalen har levert sand i generasjonar. Ei tid vart sanden frakta til sjøen og sandbåtane med lange transportkanalar. No er desse historie, og naturen er i ferd med å skjula denne delen av sandhistorien. God ide å mala kanalane i matt grønfarge, det dominerer ikkje i landskapet meir enn nødvendig.

Meir haust

Som sagt: Hausten kan vera fin. Ei rimfrosen myr er ein fredeleg plass, og Bolstad, sett frå Rongakammen, er heller ikkje prega av stress og jag. Bileta er tekne klokka halv ti, sundag morgon.

Endeleg ein fin haustdag

Hjortjakt kan gje mange fine naturopplevingar, i tillegg hender det at det vert fangst!

Smalahove

To gode tips for eting av smalahove:

1. Det skal serverast rykande varmt!

2. Det er kjekt å eta saman med gode venner

Å mura ein mur

Den som har prøvd seg på muring med gråstein, utan bruk av mørtel, veit at dette er ei krevande øving. Det er alltid steinar som ikkje passar inn, og ofte må ei juksa med å smetta inn småe steinar. Då vert ein imponert når ein støyter på gamle murar som denne grunnmuren på Geilastølen.

Vinter

Neidå, vinteren er ikkje komen her i låglandet enno. Men ein skal ikkje så høgt opp før det er tydeleg e teikn på at ei ny årstid. Geilastølen ligg nett i grenseland, Dystingen er derimot heilt kvit.

Tog

Det er kjekt å reisa med tog. Det kan til og med vera kjekt å venta på toget når fotoapparatet er med . Motiva er henta frå Gøteborg Centralstation

Gøteborg, dag 3. Women in Black

Gøteborg kunstmuseum og shopping. Maria kjøper seg nye sko som gebursdagspresang. Stilige og praktiske (!!) i følgje ho sjølv.

Gøteborg , dag 2

Den minste hunden var svært så kjepphøg. Den største såg ut som han tenkte: "Stakkars tulling, kva er det han trur han er?"

Gøteborg, dag 1

Fint ver, pikene på broen, politihestar og utsikt frå hotellrommet. Dette er nokre av inntrykka frå første feriedagen i Gøteborg. Sjølv om me var litt trøytte etter reisa ( med tog ), har me hatt ein kjempefindag dag. No kjem snart Maria på besøk også, så då vert kvinnedominansen i reisefylgjet total.

Haust

Det er utruleg mange blad på eit tre. Dette merkar ein i alle fall om hausten!