Ich bin ein Berliner.

Nei, eg er nok ikkje det, men no er eg i alle fall i byen, og det er kjekt. Berlin er ein flott by, med mange mogelegheiter. Maria som studerer her, lovprisar byen. Ho er ein glimrande guide for oss som er her for andre gong. Fotomotiva er mange. Denne gongen er det mor og dotter, fjernsynstårnet og ein tilfeldig husfasade som vert vist fram.

Kajakk

Første, famlande forsøk med ny (dvs gammal og brukt) kajakk. Det kan verta mange, fine turar på Evangervatnet.

Ein fin dag

Sol, markjordbær og NYTT KAMERA!! Nikon d90 har avløyst den gamle d70. Utruleg kjekt å prøva ut eit nytt kamera. Dette verkar lovande!

Båtliv

Ein båt kan vera så mangt- Her er tre generasjonar samla i Bergen: Statsraad Lehmkuhl, Bruvik og "A". Kven er finast?

Årets første bad

Måtte berre få sagt det! Temperaturen er OK, staden er Fossmark.

Meir frå Kinn

Vert liksom ikkje ferdig med turen til Kinn. Dette er eit par glimt frå kaien der rutebåten legg til.

Å bomma med eksponeringstida

Kva gjer ein når det er sterkt motlys og motivet vert for mørkt? Jau, ein korrigerer og legg på eit par blendarsteg. Kva gjer ein når lyset vert normalt? Gløymer å stilla tilbake til normal eksponering. Irriterande, men desse motiva frå Kinnakloven vart trass alt litt spesielle pga denne tabben.

Battalden og Kinnakloven

Dette skal visst nok frå gammalt av vera dei to mest kjende seglingsmerka langs kysten av Floralandet. For oss landkrabbar er det imponerande landskapsformasjonar, kvar på sin måte.

Liten idyll

Sæbøvik er "landsbyen" på Halsnøy. Landsbyen er stort sett ei gate med fleire koselege butikkar. Stig ein ut av gata, finn ein idyllar som dette. Ein sommartur innom Sæbøvik bør vera obligatorisk for alle som oppheld seg i Sunnhordland.

Kveld

Solnedgang er eit harry motiv, men når ein er på Halsnøy, vert ein så gripen av stemninga at det er vanskeleg å lata kameraet ligga. Eine motivet er utsikt mot Kattanakken på Stord, det andre er ferja på veg til Halsnøy

Meir stein

Einar tek stadig bilete av steinar! Denne gongen er me på Halsnøy. Ei vandring langs svaberga syner at det er enorme krefter i sving i bølgjene. Desse steinane har truleg hamna her ved hjelp av bølgjekraft.

Storesteinen

Dette motivet finn du mellom Dale og Helle viss du køyrer på motsett side av elva i høve til E 16.

Tidlegare (fram mot slutten av 1970-talet) gjekk all trafikk mellom Voss og Bergen her. Då var dette den mest fotograferte steinen i distriktet. Som regel var steinen støtta opp av ein tynn pinne. Det er på tide å gje Storesteinen litt publisitet igjen!

Syrin

Lukta av syrin i juni er eit "must". Trur det har vore eitt eller fleire tre i nærleiken alle dei stadane eg har budd.

Kveld

Sola kastar siste strålane mot huset vårt, skuggane vert mange og lange. Dette er ei fin årstid.

Cowboy i solnedgang

Stetsonhatt og Barcelonadrakt er ein uslåeleg kombinasjon!!!

Nakka

Fjellgarden Nakka ligg høgt og fritt på sørsida av Evangervatnet. Frå Storvik ved E 16 er det 20 - 30 minutt å gå i bratt terreng. Fram til 1970-talet var garden i drift. Når du kjem opp til Nakka, vert du truleg overraska over kor stor garden er. I tillegg bør du verta imponert over utsikta.