Kveldstur

Halvmørkt, regn i lufta, kort sagt ein under middels julikveld,men det går an å få brukbare bilete likevel.

Vestlandet i regn

Av og til er veret så surt at ein kvir seg for å gå ut av bilen. Kva gjer ein då? tek bilete ut gjennom frontruta sjølvsagt. Motivet er forresten Bøyabreen i Fjærland.

Sunnmøre

På bloggen er det etter kvart ein del bilete av fjell og fjellområde i Voss. For å gjera det klart at eg innser at det også er fine fjell andre stadar i landet, kjem det her fjellbilete frå Sunnmøre. Desse alpine toppane er fantastiske.

Vervarsel

Eller rettare sagt verrepport, sidan desse bileta vart tekne tysdag. Det er på Sognefjorden, mellom Oppedal og Lavik. På eine biletet ser ein vestover der regnet er på veg inn. Når ein bevegar seg over på andre sida av ferja, er det vesentleg lettare ver. Men no er det sol!

Volda

Om ikkje akkurat Volda. så er det utsikt frå Volda. Klokka nærmar seg 23, og sola går ned, men ikkje før ho har farga dette fjellet raudt.

Ålesund

Ålesund er truleg ein av dei vakraste byane i Noreg. Jugendbygningar, bratte gater og havutsikt er med på å skapa dette inntrykket. Rett nok er ikkje veret alltid slik som på bileta, men det gløymer ein straks sola skin.

Iris

Eg er ikkje ekspert på blomar, der er det faktisk stoore hol i kunskapen. Likevel meiner eg bestemt at dette er iris i ulike fargar. Flott blomst, men levetida er sørgjeleg kort.

Familieidyll

Svanefamilie på tur. Er ikkje spesialist på å kjønnsbestemma svaner, men har ein teori om at mor er i føringa, ungane prøver så godt dei kan å følgja etter på rekke, mens far diltar motvillig etter.

Frå Løvebakken

Ei veke på Stortinget har gjort at det vart lite tid til fotografering og endå mindre til blogging. Eitt einaste bilete vart teke, og det var av kontordøra til Gina Barstad. Der heng palestinasjalet hennar og slipset mitt. Ein stortingsrepresentant må ha utvida dresskode!

Liten idyll

Me er framleis på Halsnøy. Denne idyllen ligg gøymt i skogen, men sjøutsikta er likevel fantastisk.

Halsnøy kloster

Når det er ein plass som heiter Klostervågen, er det naturleg nok eit kloster i nærleiken. Halsnøy kloster er i dag ein del av Sunnhordaland museum. Klosteret er borte, men området er vakkert restaurert.

Lita sjøbu

Denne vesle bua/naustet er også ein del av Klostervågen. I alle dei åra eg har vore der, har denne sett heilt lik ut. Lemmane framfor vindauga har aldri vore vekke. Søylene under har alltid vore like skeive. Men fint er det!

Klostervågen

Klostervågen på Halsnøy er ein av mine favorittstadar. Her er vakkert og idyllisk i seg sjølv, dessutan er det eit glimrande utgangspunkt for båtturar. Her er området fanga i tre ulike vinklar og til ulik tid på døgnet.

Årets første

Juni. Halsnøy, båt, sjø, det måtte berre verta ein dukkert. Ikkje spesielt varmt, men herleg forfriskande.

Venting

Det er ikkje få gonger eg er blitt ståande og venta på grønt lys ved Hettetunnelen. Lenge ( i alle fall nesten 5 minutt). Dette er vel einaste fotomotivet på staden. Ikkje spesielt originalt, men Fossmark ligg til venstre, Osterøy til høgre og Langhelle i bakgrunnen. Meir er i grunnen ikkje å sei om den saken.