Balkanfest, dag 2. Norsk jazz og Boban i Marko Makovic

Norske jazzmusikarar i elitedivisjonen. god mat og ikkje minst Boban i Marko Makovic Orkestar gjord e andre dagen av Balkanfest på Evanger til, ja nettopp, ein fest.

Balakanfest, dag 1. Workshop og konsert med Erdogan Orkestar

Dei proffesjonelle musikarane i Erdogan Orkestar inviterte unge musikarar frå distriktet med på workshop. Resultatet fekk publikum høyra om kvelden då ungdommane fekk vera med på første del av konserten til Erdagon Orkestar. Flott resultat, stor stemning, regnet stoppa og folk dansa . Det er berre å sjå fram til det som skal skje vidare i dag og i morgon. Topp stemning er garantert. sjå: http://www.balkanfest-evanger.com/

Meir skodde

Dette er faktisk eit fargefoto som ikkje er konvertert til svart kvitt. Ikkje spesielt fargerikt denne morgonen, med andre ord

Gråver og morgonskodde

Det har liksom ikkje vore det store fotoveret i det siste. I dag lysna det litt, sola titta fram, og skodda heva seg over tretoppane. Då kjem det seg!

Moster

Endeleg ein tur til Mosterhamn der me fekk med oss ei fantastisk oppsetjing av "Miss Saigon". Der var det ikkje lov å fotografera. I staden kan me studera to av dei, fina, gamle husa på staden. Det kvite er Tollhagen, ein gammal tollstasjon. Det andre er Dahlanaustet som nett er restaurert.

På fisketur

Eldstejento og eg prøvde fiskelukka. I følgje hennar fangstrapport fekk me 1 og 1/4 fisk. Det var ikkje eg som fekk den største fisken.

Døtre med raud stol.

Endeleg vart jentene med oss til Stordalen. Det same vart ein raud stol frå Fretex. I løpet av ein liten pause på vegen, vart desse foreviga saman. Innrømmer at eg er veldig stolt av jentene.

Sjølvportrett med ullsokkar

I tilsynelatande djupe tankar, men det er ikkje tilfelle. Sanninga er at eg brukar trådlaus fjernutløysar og prøver å sitja så pass roleg at biltet ikkje vert uskarpt. Dette er inne i hytta på Stordalen. Peisen murte svigerfar og eg i 1992. Legg merke til trollkona på døra. Her er det May som er kunstnaren.

Tidsfordriv

Det er mange måtar å utnytta ledig tid. Camilla har laga ein "drømmefangar" av ulike stoffrestar. Eg murte opp ein utepeis for å sleppa å kasta den gamle omnen. Begge tidsfordriva er plassert på Stordalen. No er det berre å håpa at veret vil snu seg til det betre, slik at me kan nyta desse verka.

TV-tårnet i Berlin

Dette er eit av dei mest kjende landemerka i Berlin. Tårnet vart bygd under den kalde krigen, på Alexanderplatz. Dette er i Aust-Berlin, men like ved muren, slik at også folk i Vest-Berlin kunne sjå praktbygget

Meir Danmark

Ute høljar regnet ned. Då er det greitt å bla gjennom dei ferske bileta frå Danmarksturen og sjå at me har skaffa eit godt lager med fine ferieopplevingar.

Kva er dette?

Viss det er ein dyktig botanikar som les dette, ville eg likt å få vita kva dette er for noko. Det er eit bartre, og det veks i Skiptvedt i Østfold. Viss utvekstane er kongler, er det ei uvanleg plassering samanlikna med andre tre eg har sett.

De danske kornagre om aftenen

Eg er slett ikkje sikker på om dansken min er korrekt, men at dette er ein kornåker på Jylland, fotografert seint på kvelden, er i alle fall sikkert.

Kveldstur

Ein tur langs stranda kl 22.30 kan vera ein stemningsfull, men spooky affære.

Hundebad

Etter ein kort symjetur er det herleg å slappa av, også for Baltus