Julegrana på Bolstad

Det er berre å slå det fast ein gong for alle: Julegrana på Bolstad er den flottaste i landet, truleg i heile verda. Med sine 35 m, er ho eit vakkert landemerke frå tredje søndag i advent til 6. januar. Den spesielle effekten på eine biletet kom heilt utilsikta: Eg flytta stativet før eksponeringa var ferdig. Lukkartida er 10 sek

Vosso

Elva Vosso har enkelte friske stryk, noko du kan sjå på eldre innlegg i denne bloggen. Starten, ved Liland, er derimot svært så roleg.

Vangen

Slike oversiktsbilete vert vanlegvis tekne når det er sol og fint ver. Slik ser det altså ut på Voss ein standard vinterdag

Juletrehogst

Så er juletrea henta. Dette er fast tradisjon tredje søndag i advent

Vinter i Prestegardsmoen

Manglar ein fotomotiv, er det berre å gå ein tur i Prestegardsmoen. Her har vinterens første snø lagt seg på trea, og freden senkar seg over ein turgåar.

Advent

Stjerne i vindauga og ljos på trea, då er det julestemning på Horvei

Bulken

Det er ikkje ofte eg stoppar på Bulken, men det kan vera lurt å ta seg tid til det av og til, særleg når sol og måne byter vakt.

Skomakergata?

Nei, men Knute Nelsongata på Evanger er til forveksling lik.

Voss med Hondalsnuten

Ein kald og strålande fin ettermiddag der sola sender dei siste strålane på Hondalsnuten, samtidig som månen gjer så godt han kan for å halda kveldsmørkret på avstand.

Nokon betre?

Så fort kan det snu. I kveld er det berre idyll. Tenk om vinteren kunne fortsetta slik!

Nokon verre?

Utsikt frå kontorvindauga ein nitrist måndag. Det må tilføyast at over vegar, bakkar, ja, absulutt alt, ligg det eit tynt lag med våt is

Evanger-stemning

Ein fredeleg kveld på Evanger. I grunnen så er alle kveldar på Evanger fredlege.

Skorve kl 16.00

I overgangen mellom dag og kveld, eller rettare sagt dagslys og mørke, vert det danna fine fargar, slik som her på Skorve ved E16

Morgon i Moen

Eg har tidlegare vist fleire morgonbilete frå Vossevangen sett få vest. I dag vert det bilete av Vangen fotografert frå Prestegardsmoen, altså andre sida.

Styveshorgi

Snøen ligg fint viss me bevegar oss litt over oppover i terrenget. Styveshorgi kan bruka.st som ein indikator på snøgrensa