Våren er utsett på ubestemt tid.

Å vakna opp og sjå ut vindauga i dag, 10. mars, gjorde at alt håp om snarleg vår forsvann. Greitt nok, det er fint og stemningsfullt, men det er to månader på overtid. Er litt bekymra for lagnaden til tujaen når snøen på taket endeleg slepp taket.

Horvei, sett frå Bjørgo sag

Ein sein ettermiddagstur til Bjørgo i går. Turen var grei heilt til veret slo om til vind og sludd. Biletet viser at våren let venta på seg

På jakt etter vårteikn

Eg innsåg fort at å leita etter vårteikn ein sein ettermiddag med stiv kuling, sludd i lufta og ein meter snø på bakken, var ei heller håplaus oppgåve. Det næraste eg kom, var å finna stadar der Geitåni er i ferd med å bryta gjennom snø- og islaga.

Sundagstur

Endeleg vart det høve til ei skitur på Tveiti. Då er det berre å konstantera eit par observasjonar: Dyrespor og skispor deler på dei opne flatene, og opne bekkar peikar mot vår.

Grei dag på jobb!

Det er ikkje ofte ein opplever bonusdagar som dette! 8. klasse ved voss ungdomsskule klarte å arrangera alpindag på den eine fine dagen denne veka. Metervis med snø, fin temperatur, nesten vindstille, sol og fantastisk fine løyper. dette er Voss på sitt beste. Kan ein ha det betre?

Leik i snø

Uansett alder, det er kjekt å leika i snøen.

Det skin på toppane

Tittelen er ei lett omskriving av uttryket "Det bles på toppane". Det har jo kunna vore brukt også i bokstavleg tyding i det siste, men no er det berre idyll. Denne stemninga er fanga frå svigermor sin hage i Fossmark. I dag har eg vore på ski og kan slå fast at det ikkje bles på toppane.

Bestefar

Det er ikkje ofte eg legg inn personlege bilete på denne bloggen. Men når me nett har fått møtt det nye barnebarnet , er det uråd å forbigå dette i stillheit.

Nesten fullmåne

Bilete av månen er ikkje spesielt originalt. Dette er derfor eit innlegg for å minna meg sjølv om at det kan vera greitt å gå ein kveldstur, sjølv om det er laussnø, vind og kuldegrader.

Aften rød gir morgen.......?

Hugsar ikkje om siste ordet i ordtaket er sød eler blød. Uansett, kvifor er himmelen ekstra raud når det er sterk vind? Eller er det ikkje slik?

Å henta ved

Det er ikkje berre berre å henta ved når døra er nesten blokkert av snø og i tillegg er låst fast av den same snøen slik at det så vidt er mogeleg å åla seg inn. Å gå i gang med å spa vekk snøen, er heller ikkje spesielt freistande. På biletet der det tilsynelatande ikkje er noko dør i det heile, er det faktisk ei dør bak snøen. Lengtar etter vår!

Skumring

At veret skiftar karakter, er noko som har prega februar. Ein dag regn, neste dag snø som går over til regn. Her har regnet gitt seg, og gradestokken går frå plussgrader til minus. Kanskje ein burde ta bilete kvar dag slik at det er sjans til å halda overiskten på kva ver me har?

Spøkjer det?

Eller er det berre fotografen som ikkje har slått av lysa på bilen?

Nattskodde

Snø, sludd, regn og slaps. Alt er liksom berre elendigheit. Plutseleg sluttar det å regne, og skydekket slår sprekker, medan skodda sig inn. Stemninga vert anleis, og huset framstår som litt mystisk og skummelt.

Istid 2

Går ein ned i detaljnivå, kan isen vera svært så vakker!