Delvis vinter

Det har blitt lite oppdateringar i det siste, andre opgåver har teke for mykje tid. Satsar på at det vert fleire innlegg framover. Desse bileta er frå sundagsturen over Tveiti.

Logistikkproblem?

Eit tips til den eller dei som styrer veret: Først skal lauva av trea, deretter skal snøen komma og dekka dei før omtalte lauva. Å gjera dette i motsett rekkefølgje vert heilt feil.

Tidleg vinteren

Både flora og fauna vart overraska over snøen og vinteren som kom alt i oktober. Dette er rett og slett for tidleg.

TV-aksjonen 2010

Etter to veker på Stortinget er det kjekt å vera tilbake til det normale. I Oslo var det mange motiv, men lita tid og dårleg med nett-tilgang på fritida. Ein kveld var litt spesiell, då skjedde det ting på utsida av Stortinget ( og hybelen min). Dan Børge Akerø, Unni Willhelmsen, Henrik Mestad, Marie Bonnevie m.fl hadde aksjon for å skaffa bøsseberarar til TV- aksjonen. Stortingsbygningen vart brukt som bakgrunn og lerret for fotografi frå flyktingeleirar. Ei vakkert, gripande og sterk oppleving.

Haust

Det er ikkje tvil, hausten er komen. Kjem ein nokre hundre meter over havflata, merkast dette enno meir.

Fullmåne

Kanskje litt "kitch", men Stordalen i fullmåne er ei oppleving. Slike kveldar burde ein oppleva med jamne mellomrom.

Soria Moria?

Skodde forandrar landskapet. Når skodda lettar litt etter litt, ser ein at konturane av Soria Moria, rett og slett er Mølstertunet.

Grafitti

Å bruka spraymåling på upassande stadar er ikkje berre eit byfenomen. Denne bergveggen ved Skreien ( E 16 ) har alltid vore som ein magnet for personar med målingboks på innerlomma. Spesielt? Tja. Fint? NEI!

Vaksdal

Litt kveldsstemning frå Sørfjorden. I bakgrunnen ser ein Vaksdal, Langhelle og Osterøy.

Skjulte vegar

To snarvegar frå Rongavegen og opp til Horvei. Brattebakkvegen forsvinn meir og meir inn i skogen. Vegen opp Hagabrekkene vert meir og meir synleg etter som greinene forsvinn frå grantrea.

Regn

Regnet plaskar ned, dag etter dag. Alle elvar og bekkar vert fylt opp, nokon skiftar frå blågrønt til gråkvitt. Andre stadar dukkar det opp nye bekkar. Fint å sjå på, berre ein vågar seg ut i ruskeveret.

Gråver

Dårleg ver er ikkje nødvendigvis dårleg fotover. Over Bordalen stig dogg og regn frå bakken opp når lufttemperaturen stig. Samtidig kjem nye regnskyer inn frå vest. Nok ein regntung dag i vente.

Bruntonar

Bilete frå utfluktar i haust. Brunskjeret er meint å gje bileta eit "gammalt" preg. I fotografiet sin barndom vart alle bilete slik. I moderne mørkerom krev det spesiell bad, og den som framkallar, må ha ei viss erfaring. I den digitale verda er det svært enkelt.

Vikafjellet

Vikafjellet er eit unikt turområde. Her finn en både lette og tyngre ruter. Turen til Sendedalen er av dei lette. Her er nesten ikkje stigningar, og vegen er godt synleg. Ca 17o 8.klassingar fekk ein flott fjelltur. For lærarane som var med, kjennes det som ein stor bonus å få ein slik arbeidsdag.

Nok ein kveld

Denne gongen er motivet henta frå Bulken. Biletet er teke frå djukastein, og ein ser nedover Vangsvatnet mot Lunde og Liland